دموعك ... ( بكل صراحه )

مرحبا اختي .. صج موضوع شوي حساس بس ولايهمج اجاوبج .. وبتكلم مو بشكل عام بتكلم بخصوص اخر مرة بكيت فيها ..

متى تذرف الدموع؟؟؟
يوم حبيت شخص لأول مرة في حياتي واكتشفت ان بقلبه بنت ثانية ..

هل تحس انه الدموع تأثر في مشاعر الانسان؟
اووف ان تأثر تعفس الدنيا بعيونه ..

ماذا تعني لك دموعك ودموع غيرك؟
الانفجار معنى دموعي .. لان اخبي بقلبي وابتسم بس اذا خلاص تعبت انفجر مرة وحدة ..واقعد ابكي ..

دموع غيري على حسب .. بس اكثرها تعني لي الخوف .. من جذي يسموني الحنونة لان دايم اطمنهم وامسح دموعهم واساعدهم ..

هل دمعتك غاليه ام تنزل لاقل شيء؟
غالية .. وماابكي على شي سخيف ..

أيهما أصدق دموع الرجل ام المرأه؟
اهو المقوله تقول دموع التماسيح اكثرها تطلع من الحريم .. بس اعتقد في هالزمن تطلع حتى من الرياييل ..


هل دموع الرجل تخدش في رجولته أمام الآخرين؟(خصوصاً البنات )
طبعا لا .. بس مو جدام أي احد لان اهني بتخدش رجولته فعلا .. بس اذا جدام بنت مقربه له جدا جدا جدا احس مايمس الكرامة لان بفرغ الي بقلبه حق قلبه .. مثلا زوجته حبيبته اخته جذي يعني مو يبكي جدام مرت عمه ولا بنت بنت خالته صعبة شوي ..

متى يكره الرجل دموع المرأه؟
انا بنت فمدري انشاء الله الشباب يجاوبون


ماذا تعني دموع الرجل أمام المرأه؟
امممممممممممم .. احس لو ريلي المستقبلي (يارب يارب ) يصيح جدامي بيحسسني انه مرتاح لي وانه يقولي كل شي فبحبه اكثر وأعزه اكثر .. من جذي بتعني لي الحب ..

هل ترى أنه الدموع ضعف أو كنيه عن الهزيمه؟
مافهمت الاختيار الثاني بس اعتقد هذهوة


عندما تبكي هل تفضل أن تبقى وحيداً ام بجانب أحد ( من؟؟) ؟ وليش؟
بروحي ، لان ماحب احسس احد اني ضعيفة وابكي ..


هل ترتاح بعد البكاء؟
اكيد لا لان اليوم الثاني تتنفخ عيوني وحلجي وسالفه ..

يسلموو على الموضوع والله احس اني مستحية بس الحمدلله محد يعرفني في هالمنتدى جان تطلع فضيحة خخ
يسلموو