شنو الاهداف الي حاطها جدامك وتبي تحققها

مرحبا ..
كل شخص بهالدنيا له هدف يحطه جدامه ويحاول يسعي ليحققه ، سعات الاهداف تكون مجرد احلام ووهم واحيانا تكون حقيقية وعظيمة ..
والانسان اذا يبي ينجح لازم يكون عنده أمل بالحياه ، لان الي يبي يحققه يكون لازم يمشي ( (ستيب باي ستب ) لان الاهداف ماتتحقق في يوم وليله الا اذا صارت كاستثناء ..

فأبي من كل شخص يدش ويقرا موضوعي .. يكتب شنو أهدافه بحياته الي ناوي تحققها وشنو بخاطره يسويه لن كبر وشنو احلامه حتى لو كانت صعبة ومستحيلة ،،

يعطيج العافية ع الموضوع الرائع

انه عن نفسي في بالي هدف رئيسي ومن خلال هالهدف اذا تحقيق بعدين اقدر احقق اهدافي الباقي وهو :

اتخرج واحصل الوظيفة الي ترضي طموحي عشان اقدر اوصل حق احلامي ...

عساج ع القوة

وانا بعد اتمنه اني اكمل دراستي واتخرج وعقب اشتغل Smile

ثانكس عالموضوع Smile

وانا بعد اتمنى اتخرج واشتغل بعد هالقعده البطاليه

اممممممممم وعقب طبعا ابي اسافر كل بلده خاطري فيها هاا

واايد اشيئه في بالي بس اهم شي دراستي وشغلي

تحييييياتي

شمووعه

مثل ما قلتي ستيب باي ستيب ، وانا قاعد امشي على كل ستيب، الحمدالله تخرجت من الجامعه وبمعدل زين وهاي احد اكبر امنياتي عشان افرح هلي فيني ، والحمدالله الله وفقني وتوظفت بوظيفه تناسب تخصصي وشخصيتي، وحاليا قاعد اطور مهاراتي اللغويه عشان اقدر اصعد على الستيب الياي ، ع السنة اليايه ان شاء الله راح اواصل دراسات عليا اووو اخذ شهادة السي ام ايه بالمحاسبه اذا الله راد ان شاء الله.

والتوفيق للجميع

تسلمين على هالموضوع ، وربي يعطيج الف عافيه