!|[ ضيف الاسبوع الثاني ]|!

عـدنآ لكم بلقـآء جـــديد ...

و ضيفه لهذآ الكرسي ..

عـضوهـ مـن مؤسسي هـذا المـنتدى ...

أرتقت السلم بدرجـآته و أستحـقت ما هي عليه...

مـحبوبهـ مـن قبل الجـميع لهآ مـكآنتها و إحـترامهآ لدى الأعـضآء ...

شخـصيه تتمـتع بالحـسآسيه و الوضوح و الرقه ...

لهآ الكثير مـن المـوآقف الطريفه ..

و إيضآ المـشرفه بالمـنتدى ...

سحـرتنآ بمـآ تقطف لنآ مـن بسآتين الإنترنــت ...

بوجودهآ و إطلآعـهآ ... وخـفة دمـهآ و طيبة قلبهآ ...

صآحـبة القلم الخـجول..

(( ناعسة الطرف ))

لنـتـعرف عليهآ ...

و نزيل جـميع الحـوآجز ..

لأكتشآف تلك الشخـصيه السآحره ...

لقآء راح يكون ملئ بالإثآره و المـتعه ...

لقآء جـدا سآخـن بمـعنى الكلمـه..

،
،

أدع المـجآل لكم ولاسئلتكم ...

،
،

تحياتي
ام حمودي

السلام عليكم ورحمة الله وبركاته ،،،،

مشرفة قسم كرسي الاعتراف

ام حمودي

يعطيج العافية على المقدمة الحلوة لمشرفة قسم ازياء وموضة المراة ناعسه الطرف ...

طبعا" نعوسه كل يشهد بدورها وتفاعلها الدائم معانه في المنتدى ...

عندي سؤال خفيف قبل لاتبتدي العاصفة لوووووووووووول

رايج الشخصي في ولد السعدون وبدون مجاملات ؟؟؟؟

لي عودة قريبة ان شاء الله للاسئلة ...

مع تحيات

المدير العام
ولد السعدون

تسلمين ام حمودي ع المقدمه الحلوة والكلام الروووعه اخجلتيني Embarassed

ومشكورة ع الكرسي الحلو ولاعقب باجر بقوم من الكرسي هذاني قلت لكم هههههههههههه ويعطيج ربي العافيه لج احترامي ومودتي

مشكور ولد السعدون ع الكلام الحلو واكيد برد ع سؤالك قبل لاتصير عاصفه وتشيلنه كلنه الله يستر ههههههههههههههههه

رايج الشخصي في ولد السعدون وبدون مجاملات ؟؟؟؟

بدون مجاملات والصراحه راحه من خلال معرفتي لك بالمنتدى انت شخص حبوب وطيب ومحترم وغشمرجي وتعين وتعاون مع الاعضاء ولك اسلوب ماشاء الله الكل مرتاح منه واكيد شخص متواصل بين المنتدى والاعضاء واكيد هالشي يبين من ردودك الحلوة اما برع الله اعلم هههههههههههههه وان شاء الله كفيت وفيت وانه في انتظاراسالتك القادمه

احم احم ندش بالاسئله

تحبين تطبخين ؟؟
رايج بالمنتدى ؟؟
جم عمرج اذا مافي مانع ؟؟
شنو امنيتج ف الحياة ؟؟

ننتظر الردوود

الرد ع اسئله اختي الــ محرق ــعـز وياهلا ومرحبا فيج

تحبين تطبخين ؟؟

شي اكيد

رايج بالمنتدى ؟؟

بصراحه المنتدى من غير الاعضاء مايصير حلو والحمد الله مرتاحه من المنتدى وكل قسم اكيد له مميزاته وهالشي بفضل راعي المنتدى واعضائه واكيد مع الايام راح يتطور المنتدى من احسن الى الافضل

جم عمرج اذا مافي مانع ؟؟

انه عمري 24 وداخله ع 25 سنه

شنو امنيتج ف الحياة ؟؟

ماعندي امنيه محدده

ومشكورة ع الاسئله الحلوة وبنتظار عودتج بفارق الصبر وحياج الله

ونعم الضيفه اختيار موفقه اختي

وانا بااسئلج جم سوال tongue

تدرسين في الجامعه واذا تدرسين شنو تخصصج؟

لونج المفضل ؟

متزوجه ام عزباء!

ترتيبج بين اخوانج واخواتج !

تحبين المحرق او الرفاع لوووول

ليش اخترتي هالنك في المنتدى

الله ينعم بحالج وياهلا ومرحبا فيج نورتي

الرد ع اسئله شمعه الجلاس:

تدرسين في الجامعه واذا تدرسين شنو تخصصج؟

ماقط مرة طبيته هههههههههههههههه

لونج المفضل ؟

اكيد ملك الالوان الاحمر

متزوجه ام عزباء!

عزباء

ترتيبج بين اخوانج واخواتج !

الرابعه

تحبين المحرق او الرفاع لوووول

اكيد احب المحرق ديره الطيبين فديته هههههههههههه

ليش اخترتي هالنك في المنتدى

عجبني واخترته مع ان احب النك اللي يوحي بشخصيتي فضلت هالنك

تشرفت في حضورج وبانتظار قدومج مرة ثانيه وحياج الله

باك نعوسه

1- شنو حكمتج في الحياة

2- من الاعضاء المقربين لج

3- من الاعضاء الي تفتقدينهم اذا مادشو المنتدى

4- رايج في بعض الاعضاء مثل :

شمعة الجلاس

مس فطوم

ولد العيسى

ام حمودي

ملك الرومنسية

غلا المشتاق

غريب الذكريات

محرق العز

سوسوه

لي عودة مرة ثانية انشاء الله

بااك حبيبتي

من الاعضااء المقربين منج !

من من الاعضااء الي تبين تجوفينه !

هل سبق ولكي ان احببتي ؟

هل انتي صريحه ؟

ها تحبين البحر ولمااذا؟

هل تحبين الافلام الاسود والابيض؟

تعرفين طبخين ههههههه وشنو تعرفين ،،

شنو امنيتج في الخيااه.

الوالد والوالده الله يحفظهم ع شنو علمج وربوج وقولي لنه شنو تعلمتي من كل واحد .

متى نااسه الطرف تقول لا؟

متى تكون صريحه ؟

متى تزعل ؟

متى تحب ؟
هههههههه

بااغربلج بعد لي عوود ه

ولكمووووووووووو هلا ومرحبا فيك نورت

1- شنو حكمتج في الحياة

يوم لك وعشره عليك

2- من الاعضاء المقربين لج

غلا المشتاق وملك الرومانسيه

3- من الاعضاء الي تفتقدينهم اذا مادشو المنتدى

الكل بدون استثناء

4- رايج في بعض الاعضاء مثل :

شمعة الجلاس:عضوة حبوبه وطيبه وله بصمه في المنتدى من خلال ردوده الحلوة

مس فطوم:قله وجوده بالمنتدى لكن له بصمه قليله لكن اهيه وحده طيبه وحبوبه وان شاء الله انجوف ابداعاته في المنتدى

ولد العيسى:مراقب مبدع بمواضيعه وردوده وانسان طيب وحبوب وله بصمه في المنتدى

ام حمودي:عضوه متميزة بتواجده وبمواضيعه واكيد عضوة حبوبه وطيبه من الجميع وتستحق انه تكون مشرفه متميزة وله بصمه في كل قسم

ملك الرومنسية:شخص متميز ومبدع بمواضيعه وردوده وشاعر المنتدى وشخص طيب وحبوب وخفيف دم

غلا المشتاق:مشرف مبدع ومتميز بمواضيعه وردوده وله بصمه في كل قسم

غريب الذكريات:شخص له بصمه من خلال مواضيعه وانسان مبدع

محرق العز:عضوه جديده لحد الحين ماقدر اقول عنه شي غير انه عضوه مبدعه قادمه

سوسوه:عضو طيبه وحبوبه وغشمرجيه

وان شاء الله كفيت وفيت وبانتظار طلتك مرة ثانيه وحياك الله

ولكموووووووووووووووووو حياج الله نورتي

من الاعضااء المقربين منج !

غلا المشتاق وملك الرومانسيه

من من الاعضااء الي تبين تجوفينه !

الكل بصراحه

هل سبق ولكي ان احببتي ؟

اي كنت احب

هل انتي صريحه ؟

اي ولابد من الصراحه لان الجذب حبله قصير

ها تحبين البحر ولمااذا؟

اي احبه لان يخليني اقول باللي بقلبي ويريح نفسيتي ولون البحر ازرق ويريح اللي يجوفه

هل تحبين الافلام الاسود والابيض؟

اي احب بس اكثر شي الافلام الملونه

تعرفين طبخين ههههههه وشنو تعرفين ،،

اي احب اطبخ كل شي مصلي ومجبوس دياي ولحم وروبيان واحب اعرف اسوي معكرونيه بالبشاميل وباستا وحلويات وغيره وغيره

شنو امنيتج في الخيااه.

ماعندي امنيه محدده

الوالد والوالده الله يحفظهم ع شنو علمج وربوج وقولي لنه شنو تعلمتي من كل واحد .

علموني ع الاخلاق والاحترام ومساعده الغير امي علمتني ع ان اساعده في البيت والطبخ

وابوي علمني ع الاحترام والاخلاق والقدوه الحسنه

متى نااسه الطرف تقول لا؟

وقت شي انه ماحبه او مابي اسويه

متى تكون صريحه ؟

في اوقات اشياء تستحق الصراحه وساعات انجذب عشان الطرف الثاني مايزعل او يحط بخاطره

متى تزعل ؟

لما احس اني متضايقه حدي او اذا احد قالي شي يضايقني

متى تحب ؟
هههههههه

ههههههههههههههههههه في كل وقت

ياحلو غربالج ههههههههههههه ومشكوره اختي ع اسئلتج وبانتظار عودتج مرة ثانيه وحياج الله

العضوه المتميزه نعوووسه
اشكرج حبيبتي على هالصراحه الحلوة Smile

وسؤالين عالسريع lol!

شنو شعورج وانتي بكرسي الاعتراف ؟

رايج بصراحه في ام حمودي ؟؟

لي عوده Very Happy

هلا بمشرفه كرسي الاعتراف نورتي بس سؤالين كثري الله لايهينج ههههههههههههه

شنو شعورج وانتي بكرسي الاعتراف ؟

بصراحه وناسه كل يوم اتين واجوفين جم سؤال واجوبين عليهم وبنفس الوقت تعب لان اتحسين ان مسؤوليه ولازم اتين اهنيه كل وقت بس لو قالولي تبين ترجعين لكرسي الاعتراف مرة ثانيه برجع ههههههههههههههه

رايج بصراحه في ام حمودي ؟؟

انسانه طيبه وحبوبه واسلوبه جدا حلو وراقي وغشمرجيه بس ساعات مزاجيه ودلوعه وصاحبه قلم متميز وله بصمه في كل قسم ويعجبني فيه تواجده ومروره رودوده ع كل المواضيع ونشاطه و ذوقه في كل شي ومشرفه متميزة بمعني الكلمه

وانه بانتظار عودتج مرة ثانيه وبفارق الصبر وحياج الله

ناعسه الطرف كتب:: ولكموووووووووووووووووو حياج الله نورتي

من الاعضااء المقربين منج !

غلا المشتاق وملك الرومانسيه

من من الاعضااء الي تبين تجوفينه !

الكل بصراحه

هل سبق ولكي ان احببتي ؟

اي كنت احب

هل انتي صريحه ؟

اي ولابد من الصراحه لان الجذب حبله قصير

ها تحبين البحر ولمااذا؟

اي احبه لان يخليني اقول باللي بقلبي ويريح نفسيتي ولون البحر ازرق ويريح اللي يجوفه

هل تحبين الافلام الاسود والابيض؟

اي احب بس اكثر شي الافلام الملونه

تعرفين طبخين ههههههه وشنو تعرفين ،،

اي احب اطبخ كل شي مصلي ومجبوس دياي ولحم وروبيان واحب اعرف اسوي معكرونيه بالبشاميل وباستا وحلويات وغيره وغيره

شنو امنيتج في الخيااه.

ماعندي امنيه محدده

الوالد والوالده الله يحفظهم ع شنو علمج وربوج وقولي لنه شنو تعلمتي من كل واحد .

علموني ع الاخلاق والاحترام ومساعده الغير امي علمتني ع ان اساعده في البيت والطبخ

وابوي علمني ع الاحترام والاخلاق والقدوه الحسنه

متى نااسه الطرف تقول لا؟

وقت شي انه ماحبه او مابي اسويه

متى تكون صريحه ؟

في اوقات اشياء تستحق الصراحه وساعات انجذب عشان الطرف الثاني مايزعل او يحط بخاطره

متى تزعل ؟

لما احس اني متضايقه حدي او اذا احد قالي شي يضايقني

متى تحب ؟
هههههههه

ههههههههههههههههههه في كل وقت

ياحلو غربالج ههههههههههههه ومشكوره اختي ع اسئلتج وبانتظار عودتج مرة ثانيه وحياج الله

تسلمين حبيبتي ولي عوده انشااءلله

باك نعوووووووووووووووووووسه

عندي سؤال يه في بالي مساعة و انه في الشغل

1- من الاعضاء الذين يستحقون الاشراف في الفترة القادمة ؟؟؟

2- شنو دور المدير العام في المنتدى من وجهة نظرج ؟؟؟

لي عودة مرة ثانية ان شاء الله

ولكمووووو هلا ومرحبا فيك نورت الكرسي بوجودك وزين فكرت فيني وانت بالشغل

1- من الاعضاء الذين يستحقون الاشراف في الفترة القادمة ؟؟؟

اللي يستحقون الاشراف اهمه اللي يبذولون قصاريوتكون لهم بصمه في المنتدى ويكونون اعضاء نشيطين ومجتهدين في المنتدى زي حلاتنه ههههههههههههه بس انه مابي اظلم فالاختيار لك انت لانك انت المدير

2- شنو دور المدير العام في المنتدى من وجهة نظرج ؟؟؟

ان يتابع اول باول المنتدى وشنو يحتاجه المنتدى والاعضاء وع قد مايقدر ان يرد ع المواضيع عشان العضو يجتهد ويحس بانه عضو مميز وان احنه مهتمين فيه هاي وجت نظري البسيطه

وانه بانتظار عودتك وباسئله جديده وحياك الله

................ ناعسة الطرف ................

تحية مشبعة بعطر آلورد آهديهآ لك على آلآنتقآء آلذوق لـِ شخصية رآئعة
آتسمت بآلرقي وآلآبتسآم .. وآمتآزت بآلطيبة وآلآخلآق آلحميدة ..
فـَ كآنت كـَ آلنبع آلذي يفيض بروح آلآخوة
حيآك ربي يآ [ نعووووسه ]

وترى مآ رآح آريحك على آلكرسي وسيده بطرح آسئلتي .. يلآ آستعدي
1

2

3 هههههههههههههههه

آحم آحم هههههههههههه بطآقتك آلشخصية ..؟؟

مآ هو هدفك في آلحيآة .. وهل حققتيه آم مآزلتِ تسعين لتحقيقه ..؟؟

مآذآ تعني لكِ آلكلمآت آلتآليه :
[ آلحب .. آلحنين .. آلتضحية .. آلشمس .. آلقمر .. آلبحر ]

آدري آن آسئلتي شوي تقليدية لكن تعتبر تمهيدية علشآن بس تروح منك رهبة آلكرسي
لكن آهم شي تكون خفيفة على قلبك ..

مع كل آلود وآلورد لقلبك

\
/

\\

[/size]

1- عندك 3 تذاكر سفر: من يكون له نصيب في السفر معاك أ- من الأهل ، ب- من الاعضاء
2- منصبك مدير عام : ومطلوب منك ترقية 4 أشخاص بالعمل والموظفين هم الاعضاء من راح يكونوا؟
3- ما ردة فعلك وتصرفك حين تعرفين ان احد الاعضاء المقربين لك ينتحل شخصية أنثى بالمنتدى مع انه معاملة كما هو طيب؟
4- موقف مضحك وآخر محرج؟
5- عندك زجاجه فارغة وسلة قمامة وكيس نايلون .. ماذا تفعلين فيهم؟ لغز

الله يعينك على الاسئلة

الرد ع اساله غلا المشتاق:

شكرا ع الترحيب الرائع من اخو اروع نورت الكرسي بوجودك

آحم آحم هههههههههههه بطآقتك آلشخصية ..؟؟

اسمي:ناعسه الطرف

العمر:24 وداشه ع 25 سنه بعد ايام قليله

الهوايه :القراءه والنت والطبخ وكتابه خواطر

الجنسيه:بحرينيه

مآ هو هدفك في آلحيآة .. وهل حققتيه آم مآزلتِ تسعين لتحقيقه ..؟؟

للحين اسعي وراه وتعبت جان ماهواه بعدين يلحقني ههههههههههههههه

مآذآ تعني لكِ آلكلمآت آلتآليه :
[ آلحب .. آلحنين .. آلتضحية .. آلشمس .. آلقمر .. آلبحر ]

الحب:فالحب هي النظرة الحنونة في كل وقت و في كل مكان

تلك النظرة التي تبقى في مخيلتنا تتسم بالحنان و المودة و الدفء

و هي تلك الأحاسيس التي تولد فينا عند لقاءنا و لا تنتهي و لا تعرف كيف تنتهي

بل انها تستمد طاقتها من قلوبنا

و تكبر و تكبر لدرجة العشق ثم الجنون

الحب:

هو ذلك الحضن الدافئ في الليالي الباردة

و الليالي الحزينة و الفرحة

هو ذلك الحضن الموجود في كل مكان و كل وقت و كل زمان

لا يختفي باختفائك انت

بل يبقى موجودا باختفائك

أهي كلمة تقال

لا بل هي أسمى من أن تقال أو توصف

الحنين:الشوق واللهفه

التضحه:التضحيه في سبيل الله وفي سبيل شخص عزيز ع القلب

الشمس:النور والامل

القمر:النور

البحر:هوصديق وهو راحه لكل مهموم يشكي اليه همه وضيقه البحر هو صديق الوفي والمخلص اللي لوتكلمت له عن اسراري راح يصونها هو الوحيد اللي راح يسمعني بدون مايجرح ولايخون

وثنكس ع الورده وانه بنتظارك بفراق الصبر وحياك الله في اي وقت

الرد ع اساله اخوي الذيب:

هلا فيك اخوي منور الكرسي حياك الله واهيه من ناحيه الله يعيني الله يعيني هههههههههههه

1- عندك 3 تذاكر سفر: من يكون له نصيب في السفر معاك أ- من الأهل ، ب- من الاعضاء

اكيد الاهل

2- منصبك مدير عام : ومطلوب منك ترقية 4 أشخاص بالعمل والموظفين هم الاعضاء من راح يكونوا؟

اكيد المدير العام ولد السعدون والمشرفه المتالقه ام حمودي والمشرف المتالق غلا المشتاق واخوي ملك الرومنسيه

3- ما ردة فعلك وتصرفك حين تعرفين ان احد الاعضاء المقربين لك ينتحل شخصية أنثى بالمنتدى مع انه معاملة كما هو طيب؟

عاد حبل الجذب قصير ومرده بينكشف امره واذا كان قلبه طيب ماعتقد بيسوي جذي

4- موقف مضحك وآخر محرج؟

الصراحه مواقف وايد بس ماتذكر واحد منهم

5- عندك زجاجه فارغة وسلة قمامة وكيس نايلون .. ماذا تفعلين فيهم؟ لغز

الاغاز عاد انه ماحبه لان ماحب افكر جان انت اتفكر عني وتعطيني الحل وجاوبك هههههههههههههههههه اول شي باخذ كيس النايلون وبحط الزجاجه وبقطه في القمامه >>>>>>>>>>>> يحليلي احب النظافه

وحياك الله زورنه مرة ثانيه لاتقاطعنه بالاسئله

يلا انا داشه بقوه على طول لاسئله

شنو اكثر حادث اثر فيج ؟

هل تؤمنين بلحب من اول نضره ؟

قد مره حبيتي ؟

قد مره احد حسسج انج ضعيفه ؟

شتحسين رووحج شريره ولا طيبه ؟

شخبارج ؟؟

اذا احد اتحبينه جرحج عدل راح تنتقمين اولا ؟

شنو اهوة هدفج ؟

ماهي رسالتك في هذه الحياة ولمن توجهها ؟

ماهي التجربه التي تتمنى تكرارها ؟

من هوة توام روحج ؟

-شخص تحتاجين لقربه الآن منج ؟؟

وماهي اكره صفة تنبذينهاا ؟ واعظم صفه اتفضلينها ؟

شنو يمثل لج الموت ؟

اسوا خبر سمعتيه ؟

اذا احد قالج " اتحبني ولا تحب الدراهم " شنو راح تردين ماي بلويه ولا الدراهم هههه ؟

يلا يمكن ارجع باااي

و هذي أسألتي ان شاء الله اتكون خفيفة
1- كلمن يحب بالدنيآآ ,., هل مره عشتي قصه حب و حبيتي ؟؟ و هل تعتقدين إن في حب يعآدل حب عنتر و عبله ..؟ و

2- شرآآيج بالي يقوولون مآ لا يفعلون و هل انتي منهم ..؟

3- شنو موآآصفآآت زوج المستقبل .؟

4- و شنو السؤآل الي مآ تحبين احد يسألج عنه ؟؟

5- شنو أكلتج المفضله ..؟ و تحبين المهيآآوه ولا لا ..؟

6- شنو أمنيتج بالحيآه ..؟ و هل حققت جزء من امنيآتج ؟؟

7- شنو طموحآتج المستقبليه .. و شنو الي ودك تحققه بس مآ كفآآج الوقت ؟؟

8- ودج تصيرين مشهوره .؟ و اذآآ أي بأي مجال ودج تنشهينر ,, < عشآن نعرفج .؟

9- حق منو تقولين هالجمل < ترى هذا سؤال وآحد

حيآتي من غيرج شوربه ؟

يآ بلسم حيآتي و كتكآت فؤآدي

يآ سنيكرز حبي و مآآرس نبضي ..

10- شنو الكلمة الي ودج كل يوم تسمعينه قبل لا ترقدين ؟؟

11- شنو الشي الي مآ تستغني عنه ؟؟
12-تركيآ ،,، أيطآليآ ،,، أنجلترآآ << وين تحبين تسآآفرين و ليش ؟؟

13-لو تصيرين رئيسة دوله شنو القرآرآآت الي بتصدرينها ؟؟

14-لونج المفضل ؟ شرآبج المفضل ؟

15-أكثر مكآآن ترووحين له ؟؟

16-آخر مسج وصلج شنو أهوه و من منوو ..

17-جم مره أنطقيتي بحيآتج ؟؟ و أقوه طرآآق يآآلج من منو ؟؟ < إعترفي

18-عطيني موآآقف ::

موقف بط جبدج

موقف إحرآآآآآآآآآآآآآج من امن يآبته

موقف تمنيتي لو تنشق الارض و تبلعج

موقف نزلتي دمعتج

موقف طحتي من الضحك لمآآ صآر

شنو موقفج لمآآ قريت اسألتي

ان شاء الله ياااااااااااااااااااااااااااارب ما أكون ثقلت عليج

الرد ع اسئله الاخت سوسوه:

لا لازم اطقين الباب قبل وبقوة بعد داشه بس حاسبي لاتعورين وتعوريني معاج ههههههههههههههههه هلا فيج اختي نورتي الكرسي بوجودج

شنو اكثر حادث اثر فيج ؟

وايد ماذكر منهم شي

هل تؤمنين بلحب من اول نضره ؟

احيانا

قد مره حبيتي ؟

اي حبيت

قد مره احد حسسج انج ضعيفه ؟

لا

شتحسين رووحج شريره ولا طيبه ؟

طيبه وزياده عن اللزوم

شخبارج ؟؟

انه بخير اسال عنج هههههههههههههههههه

اذا احد اتحبينه جرحج عدل راح تنتقمين اولا ؟

لا ماراح انتقم منه راح اخلي الايام اهيه اللي تنتقم منه والله راح ياخذ حقي منه

شنو اهوة هدفج ؟

ماعندي هدف معين حاليا

ماهي رسالتك في هذه الحياة ولمن توجهها ؟

يوم لك يوم عليك اوجه للي اظلموني

ماهي التجربه التي تتمنى تكرارها ؟

مافي تجربه معينه

من هوة توام روحج ؟

محد

-شخص تحتاجين لقربه الآن منج ؟؟

فارس احلامي واللي للحين مالقيته

وماهي اكره صفة تنبذينهاا ؟ واعظم صفه اتفضلينها ؟

اكره صفه الغرور والكبرياء واحب صفه الطيبه والصفه اللي تتمتع بالغشمرة والحنان وان الشخص يكون شخص عادي كلش

شنو يمثل لج الموت ؟

الانتهاء من الحياه والعيش في هدوء وسلام

اسوا خبر سمعتيه ؟

وايد سمعت اخبار مب اوكي بس اسوا خبر وهو وفاه ابو رفيجتي امس

اذا احد قالج " اتحبني ولا تحب الدراهم " شنو راح تردين ماي بلويه ولا الدراهم هههه ؟

اكيد احب الشخص والفلوس ممكن تتعوض لكن حب الشخص لي مابيعوضه اي شي حتى لوكانت مجرد فلوس

وانه بانتظار رجعتج وحياج الله

الرد ع اساله اختي محرقيه كيوت:

ياهلا ومرحبتين فيج نور الكرسي بوجودج ومن ناحيه الاسئله خفيفه الصراحه خفيفه مثل البسبوسه هههههههههههههههه

1- كلمن يحب بالدنيآآ ,., هل مره عشتي قصه حب و حبيتي ؟؟ و هل تعتقدين إن في حب يعآدل حب عنتر و عبله ..؟ و

لا والله جان زين القى حب مثل عنتر وعبله وحاليا بهالزمن مافي حب مثلهم

2- شرآآيج بالي يقوولون مآ لا يفعلون و هل انتي منهم ..؟

انه مومنهم لان اذا قلت شي اسويه ومومثل اللي يقولون ويوعدون ويخونون الوعد وع قولتهم كلام الليل يمحيه النهار واللي ع قلبي ع الساني ومستحيل اسوي هالشي واللي قاعد يسوي هلون ماقول الا انسان لعوب ويحب يسلي نفسه ويضيع وقت فراغه

3- شنو موآآصفآآت زوج المستقبل .؟

يكون طيب وحبوب ورومنسي وغشمرجي وحنون ومتفهم وصريح وذو اخلاق عاليه ويقدر المسئوليه اتجاه زوجته واعياله ويخاف الله ويحبني

4- و شنو السؤآل الي مآ تحبين احد يسألج عنه ؟؟

اسئله اللي تطق ع الوتر الحساس

5- شنو أكلتج المفضله ..؟ و تحبين المهيآآوه ولا لا ..؟

اكلتي المفضله باستا ومعكرونيه بالبشاميل ومجبس هامور وعن المهياوه ماحبه بالمرة

6- شنو أمنيتج بالحيآه ..؟ و هل حققت جزء من امنيآتج ؟؟

مافي امنيه محدده ولحد الحين ماحققت شي منهم

7- شنو طموحآتج المستقبليه .. و شنو الي ودك تحققه بس مآ كفآآج الوقت ؟؟

طوحاتي وايد بس الله كريم

8- ودج تصيرين مشهوره .؟ و اذآآ أي بأي مجال ودج تنشهينر ,, < عشآن نعرفج .؟

ودي اصير مشهورة بس ماحب اطلع بالتلفزيون احب اكون في مجال كتابه الخواطر لان احب اكتب وعبر

9- حق منو تقولين هالجمل < ترى هذا سؤال وآحد

حيآتي من غيرج شوربه ؟

يآ بلسم حيآتي و كتكآت فؤآدي

يآ سنيكرز حبي و مآآرس نبضي ..

حق فارس احلامي في المستقبل

10- شنو الكلمة الي ودج كل يوم تسمعينه قبل لا ترقدين ؟؟

الله يحفظج ويخليج ووفقج ان شاء الله

11- شنو الشي الي مآ تستغني عنه ؟؟

اكيد تلفوني ولا اقدر استغني عن الناس اللي يحبون لي الخير

12-تركيآ ،,، أيطآليآ ،,، أنجلترآآ << وين تحبين تسآآفرين و ليش ؟؟

الود ودي اروح حول العالم عشان ارفه عن نفسيتي شوي ويمكن افكر بعد ارجع او لا ههههههههههههههههههه

13-لو تصيرين رئيسة دوله شنو القرآرآآت الي بتصدرينها ؟؟

هاي في الاحلام بصيرههههههههههههه بس لو صرت راح اوظف كل العاطلين عن العمل وثاني شي راح اغلق ابواب المدارس في رمضان ومابفتحه الا بعد انتهاء العيد وراح اسوي بعض الاصلاحات في الحدائق العامه وراح ازيد من عدد المستشفيات واعطاء كل بحريني منزل وازيد رواتب الموظفين كل شهر وراح ازيد الاماكن الترفيهيه للمواطنين يعني بخليهم عايشين حياه رقيده

14-لونج المفضل ؟ شرآبج المفضل ؟

لوني اهواه ملك الالوان الاحمر وشربي المفضل ميرندا برتقال

15-أكثر مكآآن ترووحين له ؟؟

احب البحر واااايد وهاي احلى مكان عندي

16-آخر مسج وصلج شنو أهوه و من منوو ..

اخر مسج وصلني اهواه ابوي توفي يافلانه من رفيجتي

17-جم مره أنطقيتي بحيآتج ؟؟ و أقوه طرآآق يآآلج من منو ؟؟ < إعترفي

حصلت طق من امي وايد ومن ابوي مرة وحده

18-عطيني موآآقف ::

موقف بط جبدج

يوم رفيجتي قاعده اتكلم مع اختي في موضوع وانه قلت له رايي وبتسوي روحه فاهمه وعبقريه وتبي تطلع روحه انه اهيه الصح واحنه الغلط

موقف إحرآآآآآآآآآآآآآج من امن يآبته

وايد بس ماتذكر

موقف تمنيتي لو تنشق الارض و تبلعج

لايوجد

موقف نزلتي دمعتج

مواقف وايد نزلت فيه دمعتي بس الستر زين ههههههههههههههههههه

موقف طحتي من الضحك لمآآ صآر

مواقف وايد اتضحك صارت لي وان رفيجت اختي عازمتنه ع عشا يوطلبت له صحن مشويات واهيه تاكل اتقول حاطين في الصحن سمج وقعدت تاكل ويوم جريب بتخلص الا اتقول هاي موسمج هاي روبيان وانه ماحبه وقلت له انه احبه الروبيان يوم حطيته في حلجي الا اتقولي هاي روبيان مع قشورة وسيده قطيته قلت بال حق الاسهال احب الروبيان لكن بدون قشورة ولوعت جبدي وقعدنه نضحك لين ماقلنه بس

شنو موقفج لمآآ قريت اسألتي

صج اساله وايد وقلت في قلبي الله يكون بعوني وكنت بطلع وعقب شوي برجع اجاوب عليهم هههههههههههههههههه لكن الصراحه اسئله خفيفه مثل الريشه>>>> صار لي ساعه وانه اكتب عورتني يدي ههههههههههه تسلمين ع الاسئله الرووووعه

ثقالتج راحه اختي وانه بانتظار اسالتج وزيارتج لي مرة ثانيه وحياج الله