:.:.:.:.البكـــــــــا:.:.:.:.:.

كـــلن يقول ان البكااا فيه راحه
وانا بكيت اليوم لعلي ارتاح

كني غريق(ن) ما يجيد السباحه
يصرخ ولا حوله من الناس سباح

كم قلت لك يا زين ما شفت راحه
منك ولا قلبي معك دوم مرتاح

اتعبت قلبي بين همه وجراحه
وين الطبيب اللي يداوي هالجراح

حتى رفع دمعي لعيني سلاحه
وانا احسب ان الدمع لعيوني سلاح

في ليلي اللي ما ظهر لي صباحه
وهمومي اللي عيت اليوم تنزاح

عمري... ما حد طال العنا واستراحه
دنياي عتمه كلها... بعيني اشباح

بكيت من قلب(ن) تزايد جراحه
بكيت بكي اللي بكى يوم الافراح

يشوف موته ما يفيده سلاحه
في خفت(ن) تلعب به الريح لا طاح