واحد مبدع يكتب لكن شوفو الردود التحطيميه

السلام عليكم
هذا واحد يكتب من قلب و انواع التحطيم في الرد

لقد جفت اقلامي ( عادي نشتري لك واحد جديد )

وتكسرت مجاديفي ( حاول تسبح او خليك في القارب لحد مايجيك احد يساعدك)

سابقى هنا حتى مغيب الشمس ( اقول قول بسم الله ورح البيت موزين )

لن ادعى الاحزان تأخذني (وش تبغى فيك علشان تأخذك مالت عليك)

لقد ابحرت وعبرت المحيطات بدون قارب( بلا كذب.. لا عاد قول انك عبرتها سباحة وعلى ظهرك )

لقد جمعت آهات الحزن وحنين الالم(وش رايك لو تجمع طوابع البريد احسن لك)

هكذا الدنيا تدور وتدور( نعرف ان الدنيا تدور من غيرك ماجبت شي جديده )

فذاك المكان كنت اجلس واتامل اوراق الخريف( الناسراحت وانت قاعد تتأمل)

نظرت لها وهي تسقط وتتناثر( مافكرت تجمعها مثل ماجمعت آهات الحزن وحنين الالم)

اني اسمع تكسرات عظامي( اكيد ماتشرب حليب ذبحك الديو والبيبسي )

ان عظامي تتكسر ووتهشم( اكيد عندك صداع في العظلات )

انظر هناك خلف الافق( نظرنا وش فيه؟؟ )

هناك حيث الامل وحيث الحياة(لوحدهم؟ ولا احد معاهم ) هههههههههههههههههه

انظر الى تلك الفراشة اليافعة النحيلة الهزيلة وهي تطير( فكرتها تسبح)

سوف اعلن للعالم(اعلن بس تكفى لا تصارخ الله يخليك )

سوف اعلن للعالم ان الابداع قد مات(( مات!!! ))

سوف اعلن ان هناك من يقتل الابداع( اذا انت الابداع فقتلك حلال )

سوف اقف امام كل الاعداء(الله يقويك انت اوقف وحنا معاك )

سوف اوقف زحف الاقلام التي تحارب قلمي( تكفى ياروبن هوود )

من قال ان الابداع مات ((أنت قلت قبل شوي ولا غيرت رائيك ))

سوف اريهم من انا (( والله مانت سهل ))

انا القلم الذي اكتب بلى خوف( ياعمي وش هذة القووة ))

انا القلم الحر((ليش كنت مسجون ))

سوف اكتب في كل مكان((الله يخليك الا الجدارن لا تكتب عليها ))

اما زالت اقلامي جافة؟؟((ترى ازعجتنا انت وقلمك خذ لك قلم رصاص وريحنا ))

هل مازلت تايه في معمة الايام؟؟((الي يسأل مايضيع؟ ))

سوف احقق كل اهدافي((بس انتبه لا تطلع تسلل ))

ماقد بنيته بالامس لان اهدمية اليوم((البلدية الي راح تهدمة ..في احد يبيني استراحة وسط احياء سكنية ))

انا كنت ولا زلت وسوف ابقى((هذا درس في القواعد؟ ))

وسوف تبقى ابداعاتي تدوم وتدوم وتدوم((قاعد تسوي دعاية لصابون فيري ))

نحن لا نفهم ((تكلم عن نفسك يابو الشباب لاتعمم ))

الى متى ونحن هكذا((الين يفرجها الله ))

يالي تكتب بين الاقواس اهجد((طيب ابشر بس كمل ..كمل ))

كل المواضيع التي لاتحمل معنى فهي ليست ابداع((متأكد!!! ))

نعم متأكد بس من قا ل لك هذا؟؟؟((انت من اول تتكلم والان تقول من قال لك هذا))

من قال ان الكلام الذي بلى معنى ليس ابداع((يوووه والله انت الي قلت))

كنت امزح(( ولله .... مالت عليك))

دعنا نكمل

كل الايام متشابه ولكن تختلف في الاسماء((كلام صحيح))

كذلك السنين متشابه((بس السنين مالها اسماء يعني قلنا كلامك صحيح وصدقت نفسك))

كذلك الوجوه متشابه((يمكن في الصين تتشابه بس هنا تختلف))

كذلك الامكان متشابه((ترى كثرت من كلمة متشابه حاول تغير الموضوع))

لو كنت اقف بجانب هذا الزمان الصعيب لكنت شبيه له من كثر احزاني((خليك ولا تتحرك بخذلك مع الزمان صورة تشييييز ))

يالي بين الاقواس اهجد وخلينا نوصل المعنى للاخوة الاعضاء بدون ضحك.اوكي((اوكي))

عندما تاتي بكل الحب وتقدمه للاخرين ثم تنصدم((اكيد كنت مسرع وقاطع اشارة ))

وقتها تعرف ان الحب بين الناس قد ضاع((تبغى احد يدور معاك؟))

هل هذا الزمان هو زمان الحب؟(( لا حول ولا قوة الا بالله ))

هل هناك شي اسمه حب((يابو الشباب انت وش تبغى؟؟))

لقد تشربت عروقي من اليأس والاحزان

وبدات مدامعي تنهمر مثل الامطار((اللهم حوالينا ولا علينا))

بعد هذا الجهد والعناء سوف اقف على قدم وساق((مطول وانت واقف))

سوف اقف وابتسم في وجه الايام الحزينة((ماصارت حزينة الا منك))

واقول لها ((بتقول لها بشويش ولا بتصرخ))

لا بشويش

سوف اقول لهذة الايام الحزينة ارحلي((طيب حجزت لها اوكي ولا تبي تخليها انتظار))

حجزت لها اوكي

سوف ادعها ترحل وسوف ابقى انا هنا

سوف انتظر احزان الاخرين لاخبرهم كيف يرحلو عنها

نحن نهرب من قسوة الايام وجور الزمان

ولكن لم نفكر يوم ان نعلن للحزن والأهات بأننا اقويا

كم تجرحت مشاعرنا من اناس نحبهم

لاننا حساسون وطيبون او لننا غير مرغوبين لديهم

ولكن لم نفكر في يوم ان نبادلهم بنفس الشعور من القسوة

هذه الايام تجري ونحن فيها نبحر بلى وجه ولا اتجاه

((هذا الكلام مقتبس من كتاب العلوم ))

الى اين نحن متجهون ؟؟

واذا وصلنا لما نريد هل سوف نرضى ام سوف نفكر ان نعود؟؟

واذا كنا غير راضينا عن حياتنا فمالذي سوف يرضينا؟؟

في احد مو راضي عن حياته؟؟

في احد يشكي من الاحزان؟؟

في احد كثرت عليه الهموم؟؟

في احد يبي شي من البراده؟؟

في احد فيكم وده يحذفني بالكيبورد؟؟

في احد حاس انه مضيع وقته يقرا هذا الموضوع ؟؟

ومن تهيب صعود الجبال****حامضا عنه يقول

هههههههههههههههههههههه شي والله ابدع الصراحه ومشكورة اختي ع الموضوع الحلو وعساج دوم ع القوة وبانتظار جديدج المميز

ههههههههههه

مشكوره على الموضوع

ههههههههههههههههههههههههه صج رووووووووووووعه

تسلمين اختي على الموضوع الراااااائع

هههههههههههههههههههههههههه

يسلمووووووووووووووو Laughing

هههههههههه

ويسلمموو

تحيييياتي

شمووعه

شكرا شكرا شكرا جزيلآ
ولايحرمني منكم
تحياااااااااااااااتي