!|[ ضيف الاسبوع الرابع ]|!

غلا المشتاق كتب:: بااااااااااااااك
س1/من اول قلم اعجبك في المنتدى ؟!
وايد اعضاء مثل ام حمودي و غريب الذكريات و ناعسه الطرف و شمعة الجلاس وغيرهم وايد

س2/موقف طريف مر بك وانت في المنتدى ؟!
اول مافتحت المنتدى كنت ماعرف حق لائحة التحكيم ذاك الزود قمت وعفست المنتدى هههههههههههههه

س3/ من هو العضو الذي لاتعرفه الا عن طريق المنتدى وتتمنى ان تتعرف عليه اكثر؟ !<< جـــاوب بصراحه بدون جواب دبلوماسي (يعني لاتقول كل الاعضــاء )
أم حمودي

س4/ عرف بنفســـك بثــلاث كــلمــات ؟!
طيب حنون غشمرجي

أمــلاأ الفــراغاات بالعضــو المنــاسب .. من وجهه نظــرك ..

1/ ( مس فطوم ) عضــو له فقده .

2/ (ام حمودي) عضــو نشيط بصــراحه .

3/ (ولد الرفاع ) عضــو يستحق الأشــراف .

4/ (غريب الذكريات) عضــو تعطيه درجه أمتيــاز بجدارة على طريقه طرحه للمــواضيع.

5/ (شمعة الجلاس) عضــو خفيـف دم

بــرأيك ماهو التصــرف الصحيــح والذي تستــخدم فيــه العقــل والحكــمه مع هــولاء ..

1/الخــائن
اخليه يولي

2/المغــرور
احاول انصحه

3/المنــافق
ما طالعه

4/ الامبــالي
احول انصحه

س/ أمــامك ورقــه بيــضــاء وقــلم .. أكتب أول شي يطرى على بــالك .؟.
وحشتني سواليفك ههههههههههههههه

يمكن لي رجعه
حياك الله باي وقت
وبــس ..اتمنــى ماأكون ثقلت عليك بالاسئــله ..
ابد خفيف مثل الريشة هههههههههههه

مشكوووووووووووووور

ولد السعدون

ناعسه الطرف كتب:: رجعت نعوسه الطيوبه وبتسالك جم سؤال وان شاء الله اكون ضيفه خفيفه عليك
حياج الله باي وقت

1.أيهما افضل برأيك الزمن الي عاش في اجدادنا وله زمنا ؟؟
زمن اجدادنا

2..ماذا تفعل لو اكتشفت ان في بيتك يحصل خراب والعياذ بالله هل تلوم اهل بيتك على تفريطهم ام تلوم نفسك على اهمالك لأهل بيتك؟
الوم نفسي قبل

3. مارأيك من يقوم بطعنك دون أن يواجهك ..؟؟؟
جبان

4.لوخانك اللي يحبك تخونه؟
لا طبعا"

5..ليــش برايك صــآر الغريــب مرات يفهمنـآ أكثر من القــريب,,؟
الدنيا هلون

6.لو قالوا لك غير اسم منتديات ( الفهد ) الى اي اسم شنو تختار ؟؟
ماقدر اغيره لان على اسمي هههههههههههه

7.ما هو مفهوم الحب في قاموسك ؟
الرومنسية

8.لو إتيحت لك الفرصه للعوده بالزمن للخلف .. ماهو الموقف والسلوك الذي تود تغيره ؟
السنين الي ضيعتها من عمري ومااستفدت منها

9. اشرايك بكرسي الاعتراف وشنو احساسك وانت قاعد فيه ؟؟؟
حده عجوبي وكووووووووول

10. قطعــة فحــم صغيـــــــــرة وجــدار نظــيفـــ مـــاذا سترسمـــ عليـــه وشنو راح تكتب تحت الرسمه...؟؟
بارسم السفينة الي في الصفحة الرئيسية وباكتب تحتها وحشتني سواليفك

11.من السهل التضحية من أجل صديق ... لكن من الصعب ايجاد صديق يستحق التضحية .... هل وجدت هذا الصديق ؟وهل أنت مستعد للتضحية ؟
نعم اكيد

12.هل ممكن تتزوج وحده اعترفت لك قبل الخطوبه بأنها غيرعذراء وانا كانت غلطه وتابت الى الله؟
اذا رب العالمين يغفر تبيني انه ما اغفر لها

13.لو ظهر في داركم بئر نفط ..هل ستخبر الدولة أم تختار الصمت ؟
اكيد باخبرهم

14.آخر معلومة تحب أن تزيدها للأعضاء توصف بها نفسك .....؟؟
الروح الحلوة

15.هل يمكن تسامح شخص باعك وارخصك في يوم وشرا قلب غيرك؟
لا طبعا"

16. لو واحد وعدك بشي وانت جيت على الوعد واخرتها قالك حجه ماتدخل العقل شنو تسوي؟
اخليه وامشي عنه

17..لو مرة انت ويا رفيجك كنتو تلعبون كرة واهو شات الكورة وكسر دريشة جيرانكم وبعدها شرد والكرة طاحت وتدحرجت لين وصلت لعندك توك بتشيلها بتشرد الا امهم طالعت لك وقالت لك انت اللي كسرت الدريشة؟
باقولها اي انه

18 . شنو اسم سيارتكـ المفضله ولونها المفضل؟
ماكسيما اللون الصدفي

19.احلى 5 اسامي شباب وبنات عندك؟
الشباب : فهد - محمد - عبدالله - راشد - طلال
بنات : فاطمة - مريم - نور - فجر - اليازي20.

احلى رقم تتمناه على سيارتك الحالية او فالمستقبل ( 99 , 11 , 123 , 333 الخ... )؟شبتقوووووووووول؟
11

21.شرايكـ فالزواجـ بكل صراحه وكمـ تتمنى يكون مهر زوجتكـ ؟
والله كل شي غلى هالايام ومادري جم بكون مهر زوجتي ههههههههههههههههههه

22. اوصف شخصيتكـ بكل صراحه ( كول , شبابي , خجول , , جاد , ويهك لوح , لوث^_؟ الخ... )؟
كول

23. شو تحط فبالك انت او غيرك من الشباب يوم اطول على صوت الأغاني فالشارع ( مشتري سماعة يديده وفرحان فيها ولا تسمع الناس اغاني ولا تعيش جو الأغنية ولا تسوي دعاية حق الأغنية ولا شو السالفة بالظبط هههههههههههههههههه؟
ماسوي هلون حمدالله

24.شرايك بالجمله(كل من يرى الناس بعين طبعه)؟
وايد حلوه
وان شاء الله ماطولت عليك ولاثقلت عليك باسئلتي ولي رجعه مرة ثانيه فانتظرني
حياج الله باي وقت

ام حمودي كتب:: باااك

سؤال يه في بالي

لو تزوجت ويالك ولد شنو بتسميه واذا ياتك بنت شنو بتسميها ؟؟

ولد : راشد
بنت : فجر

لي عوده
حياج الله باي وقت

(ولد) (الرفاع) كتب:: بااااااك

عندي جم سؤال لك

س1: اذا عطوك تذكرتين سافر ايطاليا من بتأخذ وياك من الاعضاء؟
ودي الكل يروح بس ان شاء الله محد يزعل باخذ ام حمودي ويا شمعة الجلاس

س2:من المغني المفضل لك؟راشد الماجد

س3:اذا حبيت تطلع طلعه رومنسيه وين تروح ومن تاخذ وياك؟
اروح البحر اودي زوجة المستقبل

س4:من العضو الي ودك جوفه؟ام حمودي

لي رجع

(ولد) (الرفاع) كتب:: مشكوووووووووووووور

ولد السعدون
حاضرين يا الغالي

بااااااااااااااااااااااااااااااااااك وحبيت اسالك جم سؤال

1-في نظرك ماهو الشيء الأساسي الذي يساعد الشخص ع الإبداع؟؟

2-هل المنتديات تثقيف أم تجهيل وطمس لهوية الشخص كما يقال ؟؟

3- لكل منا ثروته الحقيقية ... ولكن ماهي ثروتك في هذا المنتدى ؟؟

4.تخيل العالم يصغي اليك بهذه اللحظة ماذا ستقول ؟

5.شنو رايك بالمقوله
(الإبداع يولد من رحم المعاناة )على حسب تفسيرك؟

6.منو أكثر عضو شد انتبآهك بالمنتدى .؟

7.هل تقبل بالزواج من فتاه معاقه وليش؟

8.لحظة محرجه حسيت نفسك فيها ماتقدر تنطق ولا كلمه والسكوت كان ارحم لك؟

9.اذا زادت عليك الهموم والمشاكل ،
وحسيت ان كل شي انقلب ضدك ،
حتى اعز الناس عندك ،
شتسوي ؟؟؟

10.شنو مفهوم الحياه بالنسبه لك ؟؟

11.كيف بتقدر تكتشف الانسان الطبيعي من الانسان المتصنع ؟؟؟؟؟؟ يعني بقصد من الشخص الي يقولو عنه انه الي بقلبه ع لسانه والشخص الثاني العكس صحيح ؟؟؟؟؟هل من تصرفاته ...... او من شخصيته بحد ذاتها ..او .........وبتعتقدو كيف الانسان ممكن يكون متصنع وشنو السبب بانه يكون هلون هل هو التكبر ..... ولا عدم ثقة بالنفس ..... ؟؟؟

12.اذا انت حبيت وحده من غير ماجوفه بس انعجبت باخلاقه واسلوبه وطيبه قلبه وكل يوم يمر عليك تنعجب فيه وتحبه اكثر واهيه نفس الشي وتميت معاه جم سنه وياه اليوم اللي اتقوله ابي اتقدم لج من غير ماتجوفه وتروح بيتهم تتفاجا انه موحلوة لي ذاك الزود هل بتغير رايك والا بتصمم ان تتزوجه عشان انعجبت باخلاقه واسلوبه والا ع شكله ؟

واكيد لي رجعه مرة ثانيه فانتظرني

ناعسه الطرف كتب:: بااااااااااااااااااااااااااااااااااك وحبيت اسالك جم سؤال
حياج تفضلي

1-في نظرك ماهو الشيء الأساسي الذي يساعد الشخص ع الإبداع؟؟
الثقة

2-هل المنتديات تثقيف أم تجهيل وطمس لهوية الشخص كما يقال ؟؟
تثقيف طبعا"

3- لكل منا ثروته الحقيقية ... ولكن ماهي ثروتك في هذا المنتدى ؟؟
الألفة و المحبة و الاسرة الواحدة

4.تخيل العالم يصغي اليك بهذه اللحظة ماذا ستقول ؟
يعطيكم العافية وعساكم ع القوة

5.شنو رايك بالمقوله
(الإبداع يولد من رحم المعاناة )على حسب تفسيرك؟
اكيد مايبدع الواحد الا اذا حس بالمعاناة

6.منو أكثر عضو شد انتبآهك بالمنتدى .؟
وايد اعضاء مثل ام حمودي و ناعسه الطرف و شمعة الجلاس وغيرهم وايد

7.هل تقبل بالزواج من فتاه معاقه وليش؟
نعم لان هالشي من الله مب منها

8.لحظة محرجه حسيت نفسك فيها ماتقدر تنطق ولا كلمه والسكوت كان ارحم لك؟
للحين ماصادني هالموقف

9.اذا زادت عليك الهموم والمشاكل ،
وحسيت ان كل شي انقلب ضدك ،
حتى اعز الناس عندك ،
شتسوي ؟؟؟
اصك ع روحي الحجرة واقعد اصنف

10.شنو مفهوم الحياه بالنسبه لك ؟؟
الاستمرارية

11.كيف بتقدر تكتشف الانسان الطبيعي من الانسان المتصنع ؟؟؟؟؟؟ يعني بقصد من الشخص الي يقولو عنه انه الي بقلبه ع لسانه والشخص الثاني العكس صحيح ؟؟؟؟؟هل من تصرفاته ...... او من شخصيته بحد ذاتها ..او .........وبتعتقدو كيف الانسان ممكن يكون متصنع وشنو السبب بانه يكون هلون هل هو التكبر ..... ولا عدم ثقة بالنفس ..... ؟؟؟
من تصرفاته يبين كل شي يكون متصنع من خلال كبريائه وغروره والسبب الدلع الزايد

12.اذا انت حبيت وحده من غير ماجوفه بس انعجبت باخلاقه واسلوبه وطيبه قلبه وكل يوم يمر عليك تنعجب فيه وتحبه اكثر واهيه نفس الشي وتميت معاه جم سنه وياه اليوم اللي اتقوله ابي اتقدم لج من غير ماتجوفه وتروح بيتهم تتفاجا انه موحلوة لي ذاك الزود هل بتغير رايك والا بتصمم ان تتزوجه عشان انعجبت باخلاقه واسلوبه والا ع شكله ؟
اكيد باتزوجها

واكيد لي رجعه مرة ثانيه فانتظرني
حياج الله باي وقت

باك ههه
شنو تعني لك مس فطوم

بااااااااك بقووه هالمره
شي شي الكرسي قاصرك قلاص ماي
لاني بانشف ريجك،،،،،،،،

ما هي أهم الاعمال التي تتمنى أن تقوم بها في المنتدى ؟؟

اختر ثلاث اعضاء ووجه لهم ثلاث جمل من نصح او عتاب او اعجاب او شهاده ؟؟

شمعة الجلاس النك ينااسبي براييك او في نكي في بااالك مناسب لي اكثر ؟

ماذا يعنى لك منظر الدم والأشلاء الممزقة لابناء فلسطين والعراق ...

ابيك تنصحني بأي شي ...،،،،،،،

شنو الشي المزعج في حياتك وتتمنى انك تتخلص منه ؟

احسن موضوع مر عليك بالمنتدى واستفدت منه؟؟

اممم تحب السفر برا او بحرا او جوا ومتى كانت اخر سفره ،،

في شنو تفكر الحييييييييييين؟؟ بصراحة

تم تعينك رئيس للوزراء
وطلب منك تشكيل الوزارة من اعضاء المنتدى
فمن ترشح وماهى الحقائب التى سيحملها كل وزير
هههههههه سوال قاانوني هههههه

سؤال في ذهنك تبحث له عن اجابه وحيرك منذ فتره طويله ؟

برأيك هل المنتديات وسيلة لنقل الثقافات وكيف يكون ذلك وأي الثقافات يمكن نقلها لكي تعم الفائدة،،،،؟

اختار 5 اعضاء ووجه لكل واحد سؤال ..؟

أول ما تدخل المنتدى أول 3 أعضاء تبحث عن مشاركاتهم (بصراااحه)،،،،،

متى تحس بالراحة <<<<< خخخخخخخخخخ اكيد لين خلصت من كرسي الاعتراف ههههههههههه ،،، لا صج متى تحس بالراحه ،،،

متى تكون:

1. طفل

2. أناني

3. فضولي

4. غيور

واخير رايك فيني
هذا مالدينا الان وسوف نوافيكم بالتفااااااااصيل في وقت لاحق اقصد بقية الاسئلة

خلصت اليوم هذي الاسئله لي اخر الاسبوع هههههههههههههه لا اتغشمر

اكييييد لي دعووه
سي يووو

باااااااااااااااااااااااااااااااااك

1.ما هو الشيء اللي ما سويته و تتمنى لو يعود فيك الزمن و تسويه ؟؟

2.هل أنت إنسان متسامح في الحياة و هل تنسى الإساءة بسرعة ؟

3.إذا شعرت بحاجة إلى البكاء إلى من تلجأ ؟؟ ومن هو بئر أسرارك ؟؟

4.ولد السعدون .. لو عشقت شخص وهوا بادلك نفس الشعور وكانت ..تفرق بينكم المسافات ماذا ستفعل ؟

5.إذا خانتك حبيبه العمر .. كيف ستكون ردت فعلك ؟

6.اكثر سؤال يحرج ولد السعدون ولآ تجيب عنه ؟

7.اغلي شخص في قلبك ؟

8.هل تضحي من اجل الحب ؟

9.كم اتصال تتلقى في اليوم ؟؟

10.عضو تحس انه يشاركك نفس آرائك؟ بدون أجوبة دبلوماسية

11.ولد السعدون هل كونت صداقه قويه مع احد في المنتدى ؟ أم لا

12.من من الأعضاء شفته Face 2 Face؟؟

13.عضو أول ماتدخل المنتدى تبحث عنه موجود أو لآ << حدد اسم ولا تقول الجميع ..

14.كلمه نطقته فخسرت الكثير ما هي ؟؟؟

15.لديك صندوق يحتوي على مستقبلك الناجح وصندوق يحتوي على كل الأموال التي قد تحتاجينا طيلة عمرك والثالث يحتوي على الحب والسعادة فأي صندوق سوف تختار ولمــــــــــــاذا؟؟

16القلب المكسور مثل الزجاج المكسور ؟؟
الأفضل أن تتركه كما هو ..
و لا تحاول جمعه لأنه بذلك قد تجرح نفسك
ما رأيك في العبارة هذه هل القلوب المكسورة تترك إلى أن يجبر كسرها ؟؟ أم نحاول مداواتها ؟؟

.17.ما أجمل واصدق ما في الإنسان قلبه ... أم عيناه؟

18.عمر الإنسان هل يقاس بعدد السنين التي عاشها أم بحجم الشعور الذي يضمه قلبه؟

19.اذا قالولك بناخذ منك شي واحد ومستحيل نرجعه لك شنو الشيء اللي ممكن تستغنين عنه ؟

20.لو طلب منك أن تغير اسمك من ولد السعدون إلى .. ماذا ستختار .. ولماذا ؟؟

21.كلمه تريد أن تصرخ بها عالي من اجل أن يسمعك كل الناس ؟؟؟

واكيد لي رجعه مرة ثانيه فانتظرني

بسمـ ـآللـه نبدأ ..؛

_ـآعطي لنفسك نسبه مئوٍوٍيه لـ :
ذكـآئك
ـآلصحه
ـآلتفـآؤٍل
ـآلتشـآئمـ
ـآلطيبـه
ـآلعصبيـه
ـآلوٍوٍحدهـ
عـلآقتك بآهلك
عـلآقتك بآصدقـآءك
سلبيـآتك
ـآيجآبيـآتك

ليش تركت منتدى جامعه دلمون اكيد في سبب وانا ابي اعرفه ممكن

لي رجعات ههههههههههههههه

باااااااك

- شخص من المنتده تحسه جريب منك ؟؟

- شخص من المنتده تحسه فاهمك ؟؟

- اغنيه تحب تسمعها دايما ؟؟

- لو قالو لك عط العضوه (( ام حمودي )) نيصحه بشنو تنصحها ؟؟

- شخص من المنتده دايما يطري على بالك حتى لو كنت خارج المنتده ؟؟

- لو كنت مجذب على شخص بشي مثلا وهالشخص اكتشف جذبتك ويه قالك بتتعرف له انك مجذب عليه ؟؟ وتتوقع شنو الشي الي يمكن تجذب فيه ؟؟ وشنو السبب الي خلاك تجذب ؟؟

لي عوده lol!

شمعة الجلاس كتب:: باك ههه
هلا بالورد

شنو تعني لك مس فطوم
اخت عزيزة ع قلبي

شمعة الجلاس كتب:: بااااااااك بقووه هالمره
شي شي الكرسي قاصرك قلاص ماي
لاني بانشف ريجك،،،،،،،،
حياج اله باي وقت

ما هي أهم الاعمال التي تتمنى أن تقوم بها في المنتدى ؟؟
جريب بجوفونها

اختر ثلاث اعضاء ووجه لهم ثلاث جمل من نصح او عتاب او اعجاب او شهاده ؟؟
شمعة الجلاس : الله لا يحرمنه من تواجدج ونشاطج ومجهودج اليومي
ام حمودي : الصراحة تستحقين اكثر من مشرفة ع المجهود الحلو الي تبذلينه في المنتدى
ناعسه الطرف : عضوة متالقة ونشيطة ولها بصمة عودة في المنتدى

شمعة الجلاس النك ينااسبي براييك او في نكي في بااالك مناسب لي اكثر ؟
اكيد يناسبج لان انتي شمعة وبظلين شمعة المنتدى

ماذا يعنى لك منظر الدم والأشلاء الممزقة لابناء فلسطين والعراق ...
الظلم

ابيك تنصحني بأي شي ...،،،،،،،
اتمنى انج ما تصيرين حساسة زيادة عن اللزوم واخذي الامور دايما بروح رياضية

شنو الشي المزعج في حياتك وتتمنى انك تتخلص منه ؟
مافي شي

احسن موضوع مر عليك بالمنتدى واستفدت منه؟؟
موضوع غريب الذكريات بخصوص كلمة حق مدير المنتدى الصراحة وايد اثر فيني وحسيت انه كلنا اسرة وحدة

اممم تحب السفر برا او بحرا او جوا ومتى كانت اخر سفره ،،
جوا" السنة الي راحت كانت اخر سفرة

في شنو تفكر الحييييييييييين؟؟ بصراحة
اطور المنتدى

تم تعينك رئيس للوزراء
وطلب منك تشكيل الوزارة من اعضاء المنتدى
فمن ترشح وماهى الحقائب التى سيحملها كل وزير
هههههههه سوال قاانوني هههههه
شمعة الجلاس
ام حمودي
ناعسة الطرف

سؤال في ذهنك تبحث له عن اجابه وحيرك منذ فتره طويله ؟
شسالفتج مع وحشتني سواليفك هههههههههههههههههههه

برأيك هل المنتديات وسيلة لنقل الثقافات وكيف يكون ذلك وأي الثقافات يمكن نقلها لكي تعم الفائدة،،،،؟
اكيد

اختار 5 اعضاء ووجه لكل واحد سؤال ..؟
شمعة الجلاس : متى بتعرسين ع وحشتني سواليفك ؟؟
ام حمودي : متى بتعرسين ع اوعدني عني ماتغيب
ناعسه الطرف : متى تفكرين بالعرس ؟؟؟
ولد العيسى : ليش كله مالك بارض ؟؟؟
ولد الرفاع : متى ناوي تحب ؟؟؟

أول ما تدخل المنتدى أول 3 أعضاء تبحث عن مشاركاتهم (بصراااحه)،،،،،
شمعة الجلاس
ام حمودي
ناعسه الطرف

والاعضاء اليداد

متى تحس بالراحة <<<<< خخخخخخخخخخ اكيد لين خلصت من كرسي الاعتراف ههههههههههه ،،، لا صج متى تحس بالراحه ،،،
اذا تخرجت وحصلت الوظيفة الي ترضي طموحي

متى تكون:

1. طفل : اذا لعبت كورة

2. أناني : اذا حبيت

3. فضولي : اذا مستانس

4. غيور : اذا حبيت

واخير رايك فيني
كاملة و الكامل الله

هذا مالدينا الان وسوف نوافيكم بالتفااااااااصيل في وقت لاحق اقصد بقية الاسئلة

خلصت اليوم هذي الاسئله لي اخر الاسبوع هههههههههههههه لا اتغشمر

اكييييد لي دعووه
سي يووو

حياج الله باي وقت

ناعسه الطرف كتب:: باااااااااااااااااااااااااااااااااك
هلا بيج

1.ما هو الشيء اللي ما سويته و تتمنى لو يعود فيك الزمن و تسويه ؟؟
كل شي سويته حمدالله

2.هل أنت إنسان متسامح في الحياة و هل تنسى الإساءة بسرعة ؟
اكيد

3.إذا شعرت بحاجة إلى البكاء إلى من تلجأ ؟؟ ومن هو بئر أسرارك ؟؟
نفسي

4.ولد السعدون .. لو عشقت شخص وهوا بادلك نفس الشعور وكانت ..تفرق بينكم المسافات ماذا ستفعل ؟
باحاول اني اقرب المسافات

5.إذا خانتك حبيبه العمر .. كيف ستكون ردت فعلك ؟
باخليها تروح في طريجها

6.اكثر سؤال يحرج ولد السعدون ولآ تجيب عنه ؟
مسيطر ع كل الاسئلة ههههههههههههههه

7.اغلي شخص في قلبك ؟
يدتي الله يرحمها

8.هل تضحي من اجل الحب ؟
اكييد

9.كم اتصال تتلقى في اليوم ؟؟
مادري والله بس وايد

10.عضو تحس انه يشاركك نفس آرائك؟ بدون أجوبة دبلوماسية
شمعة الجلاس
11.ولد السعدون هل كونت صداقه قويه مع احد في المنتدى ؟ أم لا
اكيد وايد اعضاء

12.من من الأعضاء شفته Face 2 Face؟؟
ولد العيسى

13.عضو أول ماتدخل المنتدى تبحث عنه موجود أو لآ << حدد اسم ولا تقول الجميع ..
الادمن هههههههههههههههههههه

14.كلمه نطقته فخسرت الكثير ما هي ؟؟؟
للحين ما مر علي هالموقف

15.لديك صندوق يحتوي على مستقبلك الناجح وصندوق يحتوي على كل الأموال التي قد تحتاجينا طيلة عمرك والثالث يحتوي على الحب والسعادة فأي صندوق سوف تختار ولمــــــــــــاذا؟؟
الثالث

16القلب المكسور مثل الزجاج المكسور ؟؟
الأفضل أن تتركه كما هو ..
و لا تحاول جمعه لأنه بذلك قد تجرح نفسك
احاول جمعه

ما رأيك في العبارة هذه هل القلوب المكسورة تترك إلى أن يجبر كسرها ؟؟ أم نحاول مداواتها ؟؟
مداوتها

.17.ما أجمل واصدق ما في الإنسان قلبه ... أم عيناه؟
قلبه

18.عمر الإنسان هل يقاس بعدد السنين التي عاشها أم بحجم الشعور الذي يضمه قلبه؟
حجم الشعور

19.اذا قالولك بناخذ منك شي واحد ومستحيل نرجعه لك شنو الشيء اللي ممكن تستغنين عنه ؟
ماستغنى عن شي فيني

20.لو طلب منك أن تغير اسمك من ولد السعدون إلى .. ماذا ستختار .. ولماذا ؟؟
السعدون لان اعتز باسم عايلتي

21.كلمه تريد أن تصرخ بها عالي من اجل أن يسمعك كل الناس ؟؟؟
الله لا يحرمني من وجدكم في المنتدى

واكيد لي رجعه مرة ثانيه فانتظرني
حياج الله باي وقت

شمعة الجلاس كتب:: بسمـ ـآللـه نبدأ ..؛

_ـآعطي لنفسك نسبه مئوٍوٍيه لـ :
ذكـآئك 90%
ـآلصحه 90%
ـآلتفـآؤٍل 90%
ـآلتشـآئمـ 5 %
ـآلطيبـه 100%
ـآلعصبيـه 80%
ـآلوٍوٍحدهـ 10%
عـلآقتك بآهلك 100%
عـلآقتك بآصدقـآءك 100%
سلبيـآتك مادري
ـآيجآبيـآتك 90% تقريبا

ليش تركت منتدى جامعه دلمون اكيد في سبب وانا ابي اعرفه ممكن
تركته لأن ماحب احد يملي علي قراراته معا العلم اني عمري ماسببت حق احد اي مضايقة بس مجرد كتبت تعليق على موضوع احد الاعضاء وكان في منتدى المشرفين طبعا" مايبين عندج وقام مدير المنتدى تضايق من كلامي وقال بيعطيني مخالفة طبعا" انه ماحب احد يعاملني بهالاسلوب من جذي تركته وفضلت اني اكون لي اسرة جديدة وهي اعضاء منتدى الفهد
لي رجعات ههههههههههههههه
حياج يا الورد باي وقت هههههههه

سؤال في ذهنك تبحث له عن اجابه وحيرك منذ فتره طويله ؟
[color=darkred]شسالفتج مع وحشتني سواليفك هههههههههههههههههههه

هههههه انت ادره مني بالسالفه

اختر ثلاث اعضاء ووجه لهم ثلاث جمل من نصح او عتاب او اعجاب او شهاده ؟؟
شمعة الجلاس : الله لا يحرمنه من تواجدج ونشاطج ومجهودج اليومي
مرسي

شمعة الجلاس النك ينااسبي براييك او في نكي في بااالك مناسب لي اكثر ؟
[color=darkred]اكيد يناسبج لان انتي شمعة وبظلين شمعة المنتدى
مرسي

ابيك تنصحني بأي شي ...،،،،،،،
اتمنى انج ما تصيرين حساسة زيادة عن اللزوم واخذي الامور دايما بروح رياضية
انشااءلله

اختار 5 اعضاء ووجه لكل واحد سؤال ..؟
شمعة الجلاس : متى بتعرسين ع وحشتني سواليفك ؟؟
لين خطبني هعهع

أول ما تدخل المنتدى أول 3 أعضاء تبحث عن مشاركاتهم (بصراااحه)،،،،،
[color=darkred]شمعة الجلاس
ثنكس
واخير رايك فيني
كاملة و الكامل الله

شهاده ووساااام رايييك فيني ثنكس

باك

عندي لك حم سؤال

س1: اي اكثر عضو اعجبك للحين؟

س2: تفضل اغاني انجليزيه على العربيه؟

س3: اذا تزوجة انشاءالله ودك تيب جم ياهل؟

س4:ودك من اي الاعضاء تكرمه؟

س5: شرايك فيني كعضو يديد؟

لي رجعه

ام حمودي كتب:: باااااااك

- شخص من المنتده تحسه جريب منك ؟؟
مس فطوم

- شخص من المنتده تحسه فاهمك ؟؟
أم حمودي

- اغنيه تحب تسمعها دايما ؟؟
الاماكن

- لو قالو لك عط العضوه (( ام حمودي )) نيصحه بشنو تنصحها ؟؟
واصلي التألق

- شخص من المنتده دايما يطري على بالك حتى لو كنت خارج المنتده ؟؟
شمعة الجلاس اقول في بالي مادري شمبرزة من اسئلة ههههههههههههههههه

- لو كنت مجذب على شخص بشي مثلا وهالشخص اكتشف جذبتك ويه قالك بتتعرف له انك مجذب عليه ؟؟ وتتوقع شنو الشي الي يمكن تجذب فيه ؟؟ وشنو السبب الي خلاك تجذب ؟؟
اكيد باعترف اني مجذب

لي عوده
حياج الله باي وقت

(ولد) (الرفاع) كتب:: باك

عندي لك حم سؤال

س1: اي اكثر عضو اعجبك للحين؟
وايد اعضاء الصراحة

س2: تفضل اغاني انجليزيه على العربيه؟
ماسمع انجلينزي الصراحة

س3: اذا تزوجة انشاءالله ودك تيب جم ياهل؟
3

س4:ودك من اي الاعضاء تكرمه؟
الكل يستاهل الصراحة بالاخص ام حمودي

س5: شرايك فيني كعضو يديد؟
بالعكس احسك قديم مب يديد من خلال تفاعلك وخفة دمك
لي رجعه
حياك الله باي وقت

باااااااااااااااااك

اشلوونك شخبارك

ليش ما تلعب معانه في الالعاب هالايام ؟

صفهـ او طبـآآع تبي تغيرهـ او تحـآول تغيرهـ..؟؟

ما هي الخطوط الحمراء في حياتك الي ماتحب ولا تسمح بأن يتعداها أحـــد ؟؟

أحلى شي في الدنيا بـ ( النسبه لك )

- أفضل قرار اتخذته بـ ح ـيآتك

- صفآت تتمنى تكون فـي ( فتاة أحلامك )

- اوصف نفسـك بـ ( ثلاث ) كلمآإت

- أمنية طفووولـتـك

- طموحآإتـك

- أقربـ عضو لك بـ المنتدى

- شي تكررهه بـ الأعضاء

- كلمه توجههآ لي ولـ للأعضاء والإدآرهـ

لي دعوه

باااااااااااااااااااااااااااااك يالغالي وكثرنه شويه من الفلفل قصدي من الاسئله هههههههههههههههههههههه الله يكون بعونك

1.هـل الــدمــوع عــلامـة ضـعف أم دليل على الإحساس العميق؟!!

2. لو كتب الله لك وصرت مليونير شنو أول شي تعمله ؟

3.في زمن البحث عن المادة عن ماذا يبحث ولد السعدون؟

4.أيام الدراسة شنو اكره مادة دراسية عندك ( تحديدا أيام الجامعة ) ؟؟

5.كـــم مررهـ دق فيهـــا قلب ولد السعدون لشخــــــص ؟ وهل للحيـــن يدق ؟ << جاوب وبدون لف ودوران

6.النصيحة كيف يتقبلها ولد السعدون ..؟

7.مالفرق بين الخيال والاحساس لدى ولد السعدون ؟

8.هل تبحث عن نصفك الآخر؟

9.هل كذبت مره كذبه قويه ومشت عليهم ؟؟ وماهي ؟

10."باقه ورد من شخص مجهول" !!! ما ردة فعلك ؟؟ وأول شي يخطر في بالك؟؟

11.عضو يستحق لقب " صديق الجميع " ؟

12.اذا تناقشت مع احد وغلبك في الحوار هل تقتنع والا تستمر على رايك ؟

13.مارأيك في العلاقات التي تقوم عبر الانترنت ?

14. شنو رايك بالشخص الشكاك ؟ اللي يشك في كل شي ؟ ولو الله ابتلاك وحبيت وحده شكاكه هل بتتركه والا بتحاول تغيره ؟

15.هل أنت من الأشخاص الذين عندما يحزنون تبحث عن شخص تكون بقربه أم من الأشخاص الذين يحبون الابتعاد عن من حولهم؟

16.لانعرف قيمه الشي الا اذا فقدناه شي فقدته وعرفت قيمته ؟

17.رب اخ لك لم تلده امك لمن تقوله ؟

18.كيف نظرتك لشاب الي يطول شعره ؟؟

19.في نظرك ماهو أصعب الحلول بين المحبين ؟

20. ماذا تفضل عندما يقوم شخص ما بالتلفظ عليك...!!!
الجرأة في الرد عليه ؟؟ أم تجاهل وجودة والتمسك بالسكوت ............ ولماذا؟

21.وش تعني لك دمعة طفل فلسطيني؟

22.متى شعرت انك وحيد وانت بين اهلك؟

23.هل تتعامل مع كل أقسام المنتدى بنفس درجة التفاعل؟

24.علم النفس يقول(( بناء الشخصية..يبدأ من لحظة اتخاذ القرار)) فهل ولد السعدون يجد نفسه قادر على إتخاذ القرار الصحيح دائماً أم تعتقد أنك تحتاج ولو لمجرد خيط من مساعدة ما؟؟

25.بعض الأحاسيس تجعلنا فوق.. بالسماء..
والبعض الآخر..يهلكنا الا قاع الأرض....
كيف يمكن أن نحافظ على أحاسيسنا التي تجعلنا فوق السماء ؟؟

26.لو قالولك إن العالم بعد 24 ساعه بينتهي شنو بتسوي ؟

27.ماهي الاشياء الي تستفزك ؟ وماهي الاشياء الي تريحك ؟

28.ولد السعدون بشنو توصف حبك للوطـن...؟

29.ساعات الشخص يكره نفسه..ياتك هالحاله وليش؟؟

30.اتفق العرب على الا يتفقوا
..تقدر تفسرها لي كيف اتفقوا وهم مايتفقوون؟؟

31.شخص تتمنى التقرب منه؟

32.هل انت شخص غيور ؟؟

33.ولد السعدون مارأيك في الحيز الكبير الذي يشغله الكمبيوتر حاليا؟

34.وهل انت من المؤيدين على الاعتماد عليه في جميع الامور او للضروره فقط؟؟

35.سؤال تخاف أن تسأله نفسك يوما من الايام ؟ ولماذا ؟

36.مانوع السيارة التي اذا لمحتيها في الشارع تلحقها نظراتك الى ان تختفي ؟

38.ولد السعدون هل يمكن للرجل ان يحب اكثر من امرأه؟؟

39.حينَ تفرح .. كيف تعبر عن هذا الفرح ؟

40.وحينَ تحزن كذلكَ ..كيف تعبر عن حزنكِ و ألمكِ ؟

41.لو طلبت منك ترسم ( قلبين باللون الاحمر )
أسماء من ستضعها بداخل تلكَ القلوب ..؟

41.شخصـ لاتستطيـــع عملـ شـئ منـ دونهـ؟

42.مالفرق بين غضب الرجل وغضب المرأة ؟

43.ولد السعدون شنو رأيك في الحب من طرف واحد ؟ هل ممكن تحب شخص مو حاسس فيك؟ و ليش؟

44.تختار شنو ؟ الحب ولا الكرامه ؟ وليش ؟

45.ممكن تضحى بحبك لشخص عشان خاطر صديقك؟

46.عندما تكون وحيدا فيما تفكر؟

47.ما اسواء قرار اتخدته وندمت عليه ولكن مع الزمن تبين لك انه كان الصحيح ؟

48.فيلم الكرتون المحبب لك يوم كنت صغير ؟ وفيلم كرتون تحب تشوفه إلى الحين ؟

49. جريمة تتمنى ارتكابها ولن يحاسبك القانون عليها ؟؟

50.ولد السعدون هل تعتقد أن عالم المنتديات مهما كان يحمل من مصداقية ..فهناك تصنع ؟

واكيد لي رجعه مرة ثانيه فانتظرني

نعووووووووووسه 50 سوال

حرام علييييييييييييييييييييييييييج وه وه وه وه شووي شووي ع الرييييييااال

بااااااااااااااك

امممممممممممممممممممم

شنو رايييييك في الشخص الي ينتحل شخصيتين في نفس الووووقت ،،

الحين بااسئلك سوال وانشااءلله ما تضاايق ولك الحق انك ما تجااوب

ناااشف السعدوون شكلها وااايد معجبه فيك من ردودها ،،،،، هل تباادلها نفس الشعور

لي رجعه

» !|[ ضيف الاسبوع الثامن ]|!
» !|[ ضيف الاسبوع التاسع ]|!
» !|[ ضيف الاسبوع العاشر ]|!
» !|[ ضيف الاسبوع الحادي عشر ]|!
» !|[ ضيف الاسبوع السابع ]|!